احب اصحي علي صوتك تقول
صباح الخير
يزقزق يومي كله
و تشرق دنيتي
و اجري في الشوارع و صوتك لسه بيرن
صباح الخير
اضحك علي اي نكته
و ارسم علي الواح القزاز
طيور مهاجره في الشتا
و اصرخ لبعيد باسمك
فيرجعلي الصدي
صباح الخير
احاور كل شئ و احكيله عليك
عواميد نور الشوارع
و مفاتيح البيبان
و غمازات ترقص علي وش بنت صغيره
تفتني و تفكرني بيك لما تقول
صباح الخير
تفتكر في يوم حشوفك و انت نايم
زي الملاك وسط السحاب
و اصحيك انا و اقولك
صباح الخير
تبان عليك غمازاتك
تضحك تقول
صباح الخير
Subscribe to:
Post Comments (Atom)
No comments:
Post a Comment