Monday, April 16, 2007

صلوات ليليه...

و لون
و طعم
وريحه
و حلم
وصمت
و سكون
و كلام
و عشق
و روح
و شجن
و الام
و صدي
و صوت
و سكوت
و نور
و ضلام
و برد
و تلج
و دفا
ومطر
و صقيع
و ايد ممدوده بتصلي
و دعوه من لسان مبلول
و سكر من غير خمر
و طاعه من غير امر
جدول و جاري من علاه
و سماه
و تهويدته و مناه
لاجل ما ينام في سكوت
يحرم الليل من بكاه
يغسل النفس بغناه
يصبح الصبح الشفيف
ينتفض و غصب عنه
يندلق جواه
تشرب الارض العتيقه
خمره و زفيره و دماه

تفضل الريحه عليه
قول ميتين مليون سنه
يفضل الاحمر ماليه
قول ميتين مليون سنه
تفضل الخمره و لا تسكر
قول ميتين مليون سنه
و لون
و طعم
و ريحه
و رماد و دخان

11 comments:

Anonymous said...

الله يا نور جميله اوي اوي اوي

Anonymous said...

7elwa ya noor...feha tasawof kda..3o2bal ma traby da2nak :D

Anonymous said...

من أروع نا قرأت بجد في الفتره الأخيره ان لم يكن في حياتي...
بجد رائعه

كلبوزة لكن سمباتيك said...

جميلة فعلا


لسان مبلول
جملة عادية طبيعي يكون مبلول

حاسة انك بتنهج و انت بتكتب الجمل متلاحقة شوية

تحكمك القافية

الاحساس عالي
و الفكرة جميلة

تحياتي

حسام مراد said...

الله جميله بوست لذيذ

حسام مراد

Anonymous said...

فعلا تستاهل بوست يا ارتعاشات

رائعة يانور

هدى said...

احساس عالي

و

نظم حلو

تسلم ايدك بجد


تحياتي

bani-adam said...

وائل
ربنا يخليك يا باشا

هاني
عقبالك انت كمان.

ارتعاشات
اشكرك,انت اللي رائع بجد.

bani-adam said...

سمباتيك
اشكرك
لسان مبلول,هنا برمز لحديث الرسول عليه الصلاه و السلام "ولا يزال لسانك رطباً بذكر الله".
و بالنسبه لموضوع القافيه,فحشوف و احاول اتفاداه اكيد المرات الجايه,مع اني محستش بكده بصراحه.
تحياتي

حسام مراد
اشكرك جدا.

bani-adam said...

نبيذ
اشكرك.

هدي
الله يسلمك,تحياتي اليك.

Unknown said...

مبحبش أدخل عند حد و أقول له نفس الكلام اللى كل الناس بيقوه ليه قبل منى ....... بس فعلا جميــــــــــــلة