تصبح علي قرفه,الشاي طعمه بقي مقرف,و القرفه طعمها مش مقرف,يبقي اسم علي غير مسمي,اكيد اللي سماها كده فعلا مبيفهمش.
تصبح علي قرفه,زمان مكنتش بحب اشرب القرفه,يمكن عشان كانت بتسهر,دلوقت غيرت رأيي,بقيت بحب جدا القرفه,يمكن عشان فيها منك,محتاجه وقت علي بال ما احبها,لكن عشقتها بعد كده.
تصبح علي قرفه,و اغنيه طعمه لفيروز,عودك رنان,و ريحه الزنجبيل مع القرفه بترن في دماغك,و كبايه القرفه مش بتخلص,طعمها لسه علي لسانك,زي اغنيه فيروز.
اصبح انا علي قرفه,بعينين واسعه مفتحه,و محيط من الصحاب بيخبط علي قلبي,الصحاب زي سكر القرفه,القرفه ممكن تتشرب من غيرهم,بس عمرها ما حتكون طعمه الا بيهم.
تصبح علي قرفه,و حته كيك بالشوكولاته,و مربه ورد,و الشمس معديه من الشباك علي كرسي الصالون,و اغنيه لعبد الوهاب من الراديو معديه من الشباك للشمس,و يوم اجازه مريح مع كتاب,و تكتبلي مخصوص تقولي,تصبح علي قرفه.
تصبح علي قرفه,زمان مكنتش بحب اشرب القرفه,يمكن عشان كانت بتسهر,دلوقت غيرت رأيي,بقيت بحب جدا القرفه,يمكن عشان فيها منك,محتاجه وقت علي بال ما احبها,لكن عشقتها بعد كده.
تصبح علي قرفه,و اغنيه طعمه لفيروز,عودك رنان,و ريحه الزنجبيل مع القرفه بترن في دماغك,و كبايه القرفه مش بتخلص,طعمها لسه علي لسانك,زي اغنيه فيروز.
اصبح انا علي قرفه,بعينين واسعه مفتحه,و محيط من الصحاب بيخبط علي قلبي,الصحاب زي سكر القرفه,القرفه ممكن تتشرب من غيرهم,بس عمرها ما حتكون طعمه الا بيهم.
تصبح علي قرفه,و حته كيك بالشوكولاته,و مربه ورد,و الشمس معديه من الشباك علي كرسي الصالون,و اغنيه لعبد الوهاب من الراديو معديه من الشباك للشمس,و يوم اجازه مريح مع كتاب,و تكتبلي مخصوص تقولي,تصبح علي قرفه.
7 comments:
انا سعيده اني اول تعليق
بس بصراحه انا مبحبش القرفه خالص و لا ريحتها
لكن بحب فيروز و عبد الوهاب
و حتشرف بزيارتك
ana ba7eb el 2erfa ya noooooor
l2 dh ana kman b3mel el cacao be el 2erfa..begad lazem tegrrabo..
post gamed gedaaan w gameeel
نهر الحب
انا سعيد بزيارتك.
لو مش بتحبي القرفه فاكيد بتحبي الشي بالنعناع او الكاباتشينو,شيلي كلمه قرفه و حطي اي مشروب تاني,و حتحسي بالفرق اللي قصدي عليه في الجمل.
و انا اللي اتشرفت بالزياره.
هاني باشا
مجربتش حكايه الكاكاو بالقرفه دي بصراحه,ابقي اعملي منه في زياره قادمه انشاءالله,و انا حبقي اعملك قرفه بزنجبيل.
كل بوست و انت طيب.
جميله القرفه انا بحس انها بتساعد على كتابة الشعر ساعات بجد....
بوست معبّر كلعاده
أنا أول مرة أدخل البلوج بتاعك
بس بجد جميل
أفكاره جميلة وجديدة
بس أنا برده مبحبش القرفة
وبموت ف فيروز
بس بيتهيألى انى فاهماك
بوست جميل
ومدونة رائعة
تحياتي
ارتعاشات
جميل انها بتساعد علي كتابه الشعر, عايزك تشرب مج قرفه و تورينا.
اشكرك.
د دياموند
اشكرك,زي ما قلت فوق,جربي اي حاجه تانيه بتحبيها غير القرفه,و شوفي النتيجه,المره الجايه نمشي التوبيك,
تصبح علي شاي بالنعناع.
صاحب البوابه
تحياتي انا ليك.
Post a Comment