تلميحات ساكته...

صفه الموضوع
ساكت
اسم الموضوع
ميت
علشان محدش نغبشه
بيبربشوا؟
طبعا عشان الضي كان جامد عليهم
عمي عينيهم
من جنانه اتدروشوا

صفه الموضوع
ازلي
اسم الموضوع
اسمي
علشان في الاصل مني
فسايبه في قمقمه
علشان ما يستجراش
يهرب و لا يرجعش
و افضل ادور فازهق
و اقبض علي غيره
و جوايا احبسه
و بضلمتي ادنسه
و ادهس في روحه
اهرسه

صفه الموضوع
واطي
اسم الموضوع
انسان
يضحك
يبكي
يقلع في وشوش
يلبس الوان
و يقول يا وحوش
ده انا انسان
عمري ما كدبت
و لا كنت جبان
و يجيله الخوف
يغلط يكدب
يهرب طيران
تبرير موجود
ده انا انسان