الله كبير...

بنعتذر
عن كل شئ عملناه
و كل شئ معملناهوش
بنعتذر
اذا كانت العين بصيره
و الايد مش قصيره
لكن قاصره البصيره
بنعتذر
عن النسيان
و الاهمال
و ساعات الضحك و التهريج
و عن كلمه
مفيش قلق
مفيش مشكله
بنعتذر
عن الكفن قبل الاوان
عن التراب علي راسنا
قبل ما ينهال علي جسدك
بنعتذر
عن الاستعجال
و الكروته و السربعه
و عن شيخك قبل الشباب
عن رقدتك في السرير
و نومتك الاخيره
عن بكا ابوك
و الطين فوق راس امك
و ادان الفجر بيأدن
و انت بين ايادي الله
عن كل شئ بنعتذر
عن الضمير
و العلم و المعلمه
الطب و الكتاب
و حرقه الاسئله
بنعتذر يا عزيزي
عن اننا احنا
حاول تسامحنا