صعب اقول لحد
يطبطب عليا
و انا مش عارف اطبطب علي روحي
و ايديا بس حاططها جنبي
صعب اكون فرحان
و اطيرني طياره ورق
و انا لسه فاكر
كل ذكري حصلت من اي حد
استيكه الوقت
بتعدي علي كل الناس
و تنسيهم دايما الوحش
علشان يفضلوا فاكرين بس
كل حاجه حلوه حصلتلهم
الا انا
كله مطبوع عندي
بحبر مش بيتمسح
و لا حتي قادر
اقلب الصفحه اللي مفتوحه
كل اللي قادر اعمله
احاول ارفع ايدي من جنبي
و احاول اوصلها لفوق
يمكن مع التكرار
اقدر اطبطب عليا
و تنسيهم دايما الوحش
علشان يفضلوا فاكرين بس
كل حاجه حلوه حصلتلهم
الا انا
كله مطبوع عندي
بحبر مش بيتمسح
و لا حتي قادر
اقلب الصفحه اللي مفتوحه
كل اللي قادر اعمله
احاول ارفع ايدي من جنبي
و احاول اوصلها لفوق
يمكن مع التكرار
اقدر اطبطب عليا
7 comments:
سعيدة أني وصلت لـ هنا
بوست مُربك فعلاً
أقدر أقول مرعب أيضاً
لأننا كلنا بنحتاج الطبطبة
وبنحاول نقتنع أنفسنا أننا بخير!!
شكراً لك ؛ وأكيد حكون هنا مرة ثانية
ان شاء الله
منال
زيارتك اسعدتني اكتر
شكرا و كل سنه و انت طيبه
أستيكة الوقت
عجبني قوي التعبير ده
وماتقلقش بكره تنسى
تحس ان الدنياناسية كل الناس وبتنسي كل الناس وبتفتكرك وحدك
لا عزاء لنا سوى أنفسنا
جميل اوي البوست
تحياتي
هيومان
ربنا يخليك
و اطمن مش قلفان
سمكه
كلامك صح
تحياتي ليكي
هو تعليق متأخر جداً
بس البوست فعلاً حقيقي ويلمس الواحد من جواه
وصحيح صعب أوي تطلب من حد انه يطبطب عليك في حين انك مش قادر تطبطب على نفسك
بس على فكرة لو انت فعلاً مش بتقدر تنسي الوحش للناس فده معناه انك كمان صعب اوي تسامح نفسك ع الوحش اللي بتعمله
وبيتهيأ لنا ساعات لما نقعد نعذب نفسنا واللي حوالينا ان دي حساسية زيادة ومثالية
بس هي في الحقيقة غرور شديد لأن في النهاية كلنا بشر وضعفا ولينا أخطائنا وتواضعنا الحقيقي بيتحقق لما نقدر نسامح نفسنا وبالتالي نسامح اللي حوالينا
على فكرة أنا مش غاوية نصايح كل الحكاية اني كنت ف مكانك في يوم من الأيام وعارفاه كويس
Post a Comment